Добредојдовте...
Trofeo Marcello Campobasso 4-6 Јануари 2010
По 17-ти пат се одржа регатата Trofeo Marcello Campobasso, во организација на Кралскиот Едриличарски клубR.Y.C.C. SAVOIA од Неапол, Италија.
Во извонредна организација учество зедоа 183 едриличари од 20 држави. Во оваа голема конкуренција настапија и македонските едриличари Димитар и Дамјан Поп-Стефанија. Три дена се водеа жестоки едриличарски борби во немирното Тиренско море со јачина на ветерот до 16 м/сек и бранови над 2 м.
Во севкупниот пласман Димитар го зазеде 133 место, Дамјан во категоријата на кадети до 12 години го освои 17 место.
Со оглед на силната конкуренција ова е задоволителен настап на македонските едриличари.
Првото место го освои Италијанката Sarlota Omari, кај кадетите најдобар беше Полјакот Simon Buksak.
